Hjarteleg velkommen til

Kjære publikum!

Hjarteleg velkommen til årets spel!

I år har me med nokre nye aktørar og då blir det alltid mange nye justeringar. I år kan me presentera ein ny Gamal-Sigvat. Det er Per Frisch som har vore skodespelar i mange år på Nationaltheatret. Han glei fort inn i den flotte gjengen vår- og me har fått ein flott forteljarkarakter. Me liker oss godt på scena på Valdres folkemuseum, og denne gongen har me også teke Sjoa til scena.

Framsyninga byggjer på ei gammal segn frå 1300 talet om kjærleik og bruderov, om fiskerett og eigedomsrett. Ridder Sigvat frå Vang i Valdres drog på bruderov i Vågå, der han røva den vakre ”Skårvangssola” frå riddar Ivar Gjesling etter å ha svidd av heile garden. Sigvat vart naturleg nok forfølgd, og under flukta skal han ha hoppa over juvet ved elva Sjoa med jenta i armane, og støtte sin eigen våpenmann rett i fossen som ei åtvaring til Ivar Gjesling og mennene hans. Seinare vart det forlik og som skadebot måtte Sigvat gi frå seg fiskevatnet Nedre Heimdalsvatn nord for Valdresflye til Vågåværingene. Segna går føre seg i ei tid der trua på huldrer og andre underjordiske var sterke. I framsyninga møter me den skremmande Vågåjutulen og dei lokkande huldrene frå folketrua.

Me veit at alle amatørane våre frå heile Valdres - og profesjonelle, vil gi dykk ei uforgløymeleg framsyning. Me tilbyr levande musikk, engasjerande koreografi, og talentfulle aktørar i ei fengslande historie, i naturskjønne omgivnader.

God fornøyelse!

Gro Lystad

(regi)